«Կանանց բռնաբարում են, երեխաներին առևանգում են». Զելենսկին դիմել է ուկրաինացիներին
Ուկրաինական պետությունն ու ուկրաինացի ժողովուրդն արդեն մեկ ամիս հերոսական դիմադրություն են ցույց տալիս Ռուսաստանի Դաշնություն անողոք ներխուժմանը։ Այս մասին իր տեսաուղերձում ասել է Զելենսկին` դիմելով ուկրաինացիներին:
«Արդեն մեկ ամիս է, ինչ պաշտպանվում ենք մեզ ոչնչացնելու և երկրի երեսից ջնջելու փորձերից: Ռուսական զորքերի սկզբնական պլանը փլուզվեց ներխուժման առաջին օրերին։ Նրանք կարծում էին, որ ուկրաինացիները կվախենան։ Նրանք կարծում էին, որ մենք՝ ուկրաինացիներս, չենք կռվի։ Նրանք սխալվեցին։ Նրանք չգիտեն, թե ինչպես է ազատությունը հարստացնում կյանքը և կյանքին իմաստ է տալիս: Ռուսները փնտրում են վարձկանների ամբողջ աշխարհում, անկացած սրիկայի, որն ընդունակ է կրակել խաղաղ բնակչության վրա։ Ռուսական զորքերը կործանում են մեր քաղաքները: Նրանք անխտիր սպանում են խաղաղ բնակիչներին։ Կանանց բռնաբարում են: Երեխաներին առևանգում են»,-ասել է Զելենսկին:
Նա նշել է, որ ռուսները այրում են թանգարաններ, դպրոցներ, նրանց համար թիրախ են դարձել բուհերը:
