Կոտայքի մարզում՝ Արծվի թևերի մոտ, 23-ամյա վարորդը Hyundai Sonata-ով վթարի է ենթարկվել

Այսօր՝ մարտի 24-ն, ճանապարհի մերկասառույցի պատճառով ավտովթար է տեղի ունեցել Կոտայքի մարզում։ Ժամը 09։00-ի սահմաններում Երևանի բնակիչ՝23-ամյա Վահե Մարգարյանը իր վարած Hyundai Sonata մակնիշի ավտոմեքենայով Երևան-Սևան ավտոճանապարհի՝ Արծվի թևերի մոտ ընկել է սահքի մեջ և վթարի ենթարկվել։ 

Ինչպես հայտնում է  shamshyan.com-ը, ըստ նախնական  տեղեկությունների, բարեբախտաբար, տուժածներ չկան։ Վարորդը ենթարկվել է սթափության փորձաքննության. նա եղել է սթափ։ Իսկ վթարի պատճառը ճանապարհի մերկասառույցն է եղել, քանի որ ճանապարհը սպասարկող ընկերությունը չի կատարել ճանապարհի մշակման աշխատանքներ։