Երևանում մեկ գիշերում Արաբկիր վարչական տարածքում թալանել են մի քանի Lexus-ներ

Մարտի 23-ին Արաբկիր վարչական շրջանում  միանգամից տեղի է ունեցել Lexus մակնիշի ավտոմեքենաների թալանման դեպքեր։  Այդ օրը, առավոտյան Արաբկիրի ոստիկանություն է ահազանգել Երևանի բնակիչ Ռազմիկ Ղահրամանյանը և հայտնել, որ անհայտ անձը կամ անձինք Հ. Էմինի և Փափազյան փողոցների խաչմերուկում կայանված իրեն պատկանող Lexus մակնիշի ավտոմեքենայից գողացել են հայելիները։ 

 Նշված վայր են մեկնել ոստիկանության Արաբկիրի բաժնի օպերատիվ խումբը՝ հետաքննական բաժանմունքի ավագ հետաքննիչի գլխավորությամբ, որտեղ Ռ. Ղահրամանյանը հայտնել է, որ գողացել են 2 Lexus-ների (որոնցից մեկը ռուսական համարանիշներով է եղել) կողային հայելիները։  

Shamshyan.com -ի տեղեկություններով՝ նույն օրը ոստիկանության Արաբկիրի բաժին է ահազանգել Արաբկիր 21 փողոցի բնակիչ Անդրանիկ Ամիրխանյանը և հայտնել, որ գողացել են նշված փողոցում կայանված իրեն պատկանող Lexus մակնիշի ավտոմեքենայի կողային հայելիները։ 

Նույն օրը ոստիկանության Արաբկիրի բաժին է ահազանգել Վերին Անտառային փողոցի բնակիչ Հայկ Թարոյանը և հայտնել, որ իրենց շենքի բակում կայանված իրեն պատկանող Lexus մակնիշի ավտոմեքենայի կողային հայելիները գողացել են։ 

Կայքի տեղեկություններով՝ 3 գողությունների փաստով ոստիկանության Արաբկիրի բաժնի հետաքննական բաժանմունքի ավագ հետաքննիչ Մանուկյանի կողմից նյութեր են նախասպատրաստվում։