Գերմանական Deutsche Telekom-ը հեռանում է Ռուսաստանից
Հեռահաղորդակցության գերմանական Deutsche Telekom ընկերությունը հայտարարել է, որ կսահմանափակի Ռուսաստանի Դաշնությունում ծրագրային ապահովման մշակման իր բիզնեսը և արդյունքում կդադարեցնի աշխատանքը երկրում, գրում է УНИАН-ը:
Ռուսաստանի Դաշնությունում այն ունի Deutsche Telekom IT Solutions-ի ստորաբաժանումը՝ ավելի քան 2000 հոգանոց անձնակազմով:
Ստորաբաժանումը զբաղվում է հեռահաղորդակցության, ավտոմոբիլային և արդյունաբերության ոլորտներում արևմտյան խոշոր հաճախորդների համար ծրագրային ապահովման մշակմամբ, ինչպես նաև հանդիսանում է փորձագիտական կենտրոն Java ծրագրային ապահովման մշակման և փորձարկման ոլորտում: Զարգացման ռուսական կենտրոնի աշխատակիցներն աշխատել են Սանկտ Պետերբուրգի, Վորոնեժի և Մոսկվայի գրասենյակներում։
