Թուրքիան չի հրաժարվի ռուսական S-400-ներից ԱՄՆ-ի ճնշման ներքո

Թուրքիան չի քննարկում S-400 զենիթահրթիռային համակարգերից հրաժարվելու հարցը՝ ԱՄՆ-ի կամ ՆԱՏՕ-ի ճնշման ներքո, հայտարարել է հանրապետության պաշտպանական արդյունաբերության վարչության ղեկավար Իսմայիլ Դեմիրը։

«Սա մեզ համար քննարկման թեմա չէ: Մենք նախկինում քննարկել ենք այդ հարցը, իսկ հիմա պարզապես շարունակում ենք համագործակցությունը Ռուսաստանի Դաշնության հետ: Դրանից հրաժարվելը նույնիսկ չի քննարկվում», – ասել է նա «Известия»-ին տված հարցազրույցում:

Նրա խոսքով՝ Թուրքիայի դիրքորոշումն է՝ ապահովել խաղաղություն և վերջ տալ Ուկրաինայում հակամարտությունը։ 

Ինչպես նշել է Պետդումայի պատգամավոր Ալեքսեյ Չեպան, որևէ պատճառ չկա, թե ինչու Անկարան պետք է հրաժարվի ռուսական С-400-ներից և դրանք տեղափոխի Կիև։ Նա ընդգծել է, որ այս համալիրներն ավելի լավ են աշխատում, քան Patriot-ը, ուստի Թուրքիան չի հետևի ԱՄՆ-ի օրինակին։