Ինչ է կատարվել աշխարհում գիշերը
Գիշերը հայտնի է դարձել, որ
ԵՄ-ը միջոցներ կձեռնարկի պատժամիջոցների շրջանցումը կրիպտոարժույթների օգնությամբ կանխելու համար:
***
Brent տեսակի նավթը 2014 թվականի հունիսից ի վեր առաջին անգամ հասել է բարելի դիմաց 115 դոլարի:
***
Շվեդիայի զինված ուժերը պնդում են, որ ռուսական ինքնաթիռները խախտել են թագավորության օդային տարածքը:
****
Ֆինլանդիայի՝ ՆԱՏՕ-ին միանալու երկրորդ միջնորդությունը կներկայացվի երկրի խորհրդարան:
***
Լոնդոնում հայտնել են, որ ՄԱԿ-ի կանոնադրությունը հնարավորություն չի տալիս Ռուսաստանին դուրս թողնել Անվտանգության խորհրդից:
****
Ուկրաինայի շուրջ ստեղծված իրավիճակի ֆոնին ԱՄՆ-ում բենզինի գներն աճել են գրեթե 10%-ով:
****
ԱՄՆ կոնգրեսականները բանաձեւ են ընդունել ի պաշտպանություն Ուկրաինայի: Խորհրդարանականները պահանջում են անհապաղ զինադադար և ռուսական բոլոր ուժերը դուրս բերել Ուկրաինայի տարածքից:
****
ԵՄ-ն 15 մլն եվրո կհատկացնի Մոլդովային՝ Ուկրաինայից փախստականների խնդիրները լուծելու համար:
****
Ամերիկացի հանրապետական սենատորները ԱՄՆ Կոնգրես են ներկայացրել օրինագիծ, որը պատժամիջոցներ է սահմանում Ռուսաստանի Դաշնության բոլոր պետական ընկերությունների նկատմամբ։ Այս մասին չորեքշաբթի հայտնել է սենատոր Մարկո Ռուբիոյի (Ֆլորիդայից) մամուլի ծառայությունը: Ռուբիոն նախաձեռնության հեղինակներից է։
***
Վենեսուելայի նախագահը Ռուսաստանի դեմ պատժամիջոցները հանցավոր է անվանել:
