«Ֆրանսիայի տնտեսության շատ ճյուղեր տուժում են Ուկրաինայի հակամարտության հետևանքով». Մակրոն
Ֆրանսիայի տնտեսության շատ ճյուղեր տուժում են Ուկրաինայի հակամարտության հետևանքով, հայտարարել է Ֆրանսիայի նախագահ Էմանուել Մակրոն։ Այս մասին հայտնում է «Ռիա Նովոստի»-ն:
«Մեր գյուղատնտեսությունը, մեր արդյունաբերությունը, տնտեսության շատ հատվածներ տուժում են և կտուժեն, քանի որ կախված են Ռուսաստանից կամ Ուկրաինայից ներկրվող առաջնային հումքից կամ արտահանում են այդ երկրներ», - ասել է Մակրոնը:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
