ԵՄ-ն նախատեսում է սառեցնել Պուտինի և Լավրովի «ակտիվները»
ԵՄ-ն նախատեսում է սառեցնել ՌԴ նախագահ Վլադիմիր Պուտինի եւ ՌԴ արտգործնախարար Սերգեյ Լավրովի «ակտիվները», գրում է Financial Times թերթը՝ վկայակոչելով իրազեկ աղբյուրներ։
Ավելի վաղ ՌԴ նախագահի մամուլի քարտուղար Դմիտրի Պեսկովը, մեկնաբանելով «Պուտինի ակտիվները» սառեցնելու Վաշինգտոնում հնչեցրած կոչերը, ասել էր, որ պետության ղեկավարը փող է պահում «Ռոսիա» բանկում, որն արդեն պատժամիջոցների տակ է։ Նա նաև նշել է, որ պատժամիջոցները ցավալի չեն Ռուսաստանի Դաշնության բարձրագույն ղեկավարության որևէ ներկայացուցչի համար։
Եվրամիությունը նախատեսում է սառեցնել Վլադիմիր Պուտինի և նրա արտգործնախարար Սերգեյ Լավրովի ակտիվները՝ ուրբաթ օրը հրապարակվող պատժամիջոցների փաթեթի շրջանակներում։
Միաժամանակ, ինչպես նշում է թերթը, չի նախատեսվում նրանց նկատմամբ ճանապարհորդական արգելքներ սահմանել, որոնք հաճախ ներառում են անձնական պատժամիջոցներ։
«Այս հարցը ղեկավարները քննարկել են հինգշաբթի ուշ երեկոյան, և նրանցից շատերը պաշտպանել են այս գաղափարը»,–գրում է թերթը։
