ՏԵՍԱՆՅՈՒԹ. Պուտինը պահանջել է արագ վտարել անօրինական աշխատող միգրանտներին

 Ռուսաստանի նախագահ Վլադիմիր Պուտինը  պահանջել է  Ռուսաստանից  արագ վտարել այն միգրանտներին, ովքեր անօրինական են աշխատում, խախտում են օրենքն ու համարվում են ծայրահեղականներ: Նախագահը նշել է նաև, այդ միգրանտների մուտքը երկիր  պետք է արգելվի: Այս մասին տեղեկանում ենք РИА новости-ն:

«Անօրինական միգրացիան, հանցավոր խմբավորումների գործունեությունը, որոնք անօրինական միգրացիայի վրա են կառուցում իրենց բիզնեսը․ այդ մարդկանց դեմ պետք է մշակվեն ամենախիստ միջոցները։ Իսկ ծայրահեղականության ցանկացած դրսեւորում, իրավակարգի խախտումներ, անօրինական աշխատանքային գործունեությունը պետք է հիմք հանդիսանան Ռուսաստանի սահմաններից դուրս նման մարդկանց արտաքսման եւ ապագայում մեր երկիր մուտքի արգելքի մասին որոշումների արագ ընդունման եւ կատարման համար», - ընդգծել Է Պուտինը։

Պետության ղեկավարը խնդրել է հաշվի առնել այդ պահանջները՝ «քաղաքացիության ձեռքբերման ընթացակարգերի պարզեցմանն ուղղված միջոցառումների մշակման, Ռուսաստանում մշտական կամ ժամանակավոր բնակության եւ աշխատանքի իրավունք տրամադրելիս, հայրենակիցների կամավոր վերաբնակեցման աջակցության պետական ծրագրին մասնակցելիս»։