Լավրովն ու Աբդոլլահիանը զրուցել են
ՌԴ արտգործնախարար Սերգեյ Լավրովը հեռախոսազրույց է ունեցել Իրանի Իսլամական Հանրապետության արտգործնախարար Հոսեյն Ամիր Աբդոլլահիանի հետ: Այս մասին հայտնում է ՌԴ ԱԳՆ կայքը:
Նշվում է, որ ի թիվս այլ հարցերի, երկու երկրների ԱԳՆ ղեկավարները խոսել են նաև «3+3» ձևաչափի՝ Հարավային Կովկասի հարցերով տարածաշրջանային խորհրդակցական հարթակի մասին:
Իրանցի գործընկերոջ հետ զրույցում Լավրովը ողջունել է Իրանի կողմից «3+3»-ի հաջորդ հանդիպման հյուրընկալումը: Նա հույս է հայտնել, որ այդ համաժողովը կապահովի տարածաշրջանային երկրների շահերը և կամրապնդի կայունությունն ու անվտանգությունը տարածաշրջանում:
Զրուցակիցները խոսել են նաև Իրանի միջուկային ծրագրի շուրջ Վիեննայում ընթացող բանակցությունների մասին:
