Եվրոպայում այժմ ճգնաժամային իրավիճակ է. Մակրոն
Ռուսաստանի հետ երկխոսությունը Եվրոպայում կայունության և անվտանգության հասնելու գլխավոր միջոցն է: Այս մասին հայտարարել է Ֆրանսիայի նախագահ Էմանուել Մակրոնը ՌԴ նախագահ Վլադիմիր Պուտինի հետ հանդիպմանը:
«Մենք լիարժեք և բաց երկխոսության հիմքը դրել ենք 2019 թվականին»,- ТАСС-ի փոխանցմամբ ասել է Մակրոնը՝ հիշեցնելով իրենց միջև տեղի ունեցած զրույցները Բրեգանսոնում և Սանկտ Պետերբուրգում:
«Կարծում եմ, որ երկխոսությունն այժմ արդիական է ավելի, քան երբևէ»,- հավելել է նա Մոսկվայում անցկացվող հանդիպման ժամանակ:
Վերջինս ընդգծել է, որ «այժմ ճգնաժամային իրավիճակ է Եվրոպայում», և որ բոլորը «պետք է պատասխանատվություն դրսևորեն»:
