Ծաղկաձորում 14-ամյա տղան դահուկներով սահելիս ընկել և մահացել է
«Փետրվար 5-ին դժբախտ դեպք է տեղի ունեցել Ծաղկաձորում: 14-ամյա տղան դահուկ վարելիս ընկել և մահացել է: Դեպքի մասին մանրամասներ Ճոպանուղուց չեն հայտնել, միայն նշել են, որ դեպքի հետ կապված քննարկում են անում, ավելի ուշ մանրամասներ կհայտնեն»,- գրում է «Հրապարակը»։
Ծաղկաձորի քաղաքապետարանի աշխատակազմի ղեկավարը լրատվամիջոցի հետ զրույցում ասել են, որ դահուկներով սահելիս տղան գլխիվայր ընկել և մահացել է. «Հագին եղել է պաշտպանիչ գլխարկ, հագուստ դահուկ քշելու համար, ցավոք այնպես է ընկել, որ գլուխը վնասել է և տղայի կյանքը փրկել չի հաջողվել»:
Նշվում է, որ տղան ազգությամբ հայ է, սակայն ապրում էր Գերմանիայում, բարեկամը հրավիրել էր Հայաստան, տղան եկել էր հանգստանալու: Մի քանի օր դահուկավարի հետ սովորել է վարել, իսկ այսօր մենակ է եղել և այս դեպքը տեղի է ունեցել»:
