Կանցնե՞նք հեռավար ուսուցման․ ԱՆ-ից մանրամասնում են

Հայաստանում սուր շնչառական հիվանդությունների շրջանը դեռևս շարունակվում է, կորոնավիրուսով վարակված քաղաքացիների թիվն էլ մեծանում։ 

Auroranews-ը տեղեկացել էր, որ Հանրապետության մի շարք դպրոցներ անցել են հեռավար ուսուցման՝ վարակի շղթան կոտրելու նպատակով։ 

Առողջապահության նախարարի մամուլի խոսնակ Հռիփսիմե Խաչատրյանի հետ զրույցում Auroranews-ը փորձեց հասկանալ՝ արդյո՞ք Առողջապահության նախարարությունը պատրաստվում է դիմել ՀՀ կրթության, գիտության, մշակույթի, սպորտի նախարարություն՝ դասերը հեռավար անցկացնելու առաջարկով:

«Այս պահին այն դպրոցում և դասարանում, որտեղ հիվանդացությունը հատել է 10 տոկոսի շեմը, ինքնակառավարման համակարգով դպրոցներն անցնում են հեռավար ուսուցման։ Այս մեխանիզմով աշխատել էինք նաև նախորդ ալրիքների ժամանակ։ Այս պահին ընդհանուր հեռավար ուսուցման համակարգի անցնելու հետ կապված քննարկումներ չկան, բայց շարունակում ենք աշխատել լոկալ կանխարգելումներով»,- ասաց Խաչատրյանը:

Այս րոպեներին ԿԳՄՍ-ից  փորձում ենք տեղեկություն ստանալ, թե քանի՞ դպրոց է անցել հեռավար ուսուցման։