Հասարակություն

«Գարեգին Նժդեհ» ֆիլմի ցուցադրության վերաբերյալ ՌԴ-ում ՀՀ դեսպանությունը հայտարարություն է տարածել

«Գարեգին Նժդեհ» ֆիլմի ցուցադրության վերաբերյալ ՌԴ-ում ՀՀ դեսպանությունը հայտարարություն է տարածել
ՌԴ-ում ՀՀ դեսպանությունը հայտարարություն է տարածել՝  «Գարեգին Նժդեհ» գեղարվեստական ​​ֆիլմի ցուցադրության շուրջ «արհեստական ​​կրքեր բորբոքելու փորձերի» վերաբերյալ։ Նշվում է, որ Ռուսաստանի…

ՌԴ-ում ՀՀ դեսպանությունը հայտարարություն է տարածել՝  «Գարեգին Նժդեհ» գեղարվեստական ​​ֆիլմի ցուցադրության շուրջ «արհեստական ​​կրքեր բորբոքելու փորձերի» վերաբերյալ։ 


Նշվում է, որ Ռուսաստանի Դաշնությունում Հայաստանի Հանրապետության դեսպանությունը կապի մեջ է ինչպես «Ռուսաստանի հայերի միության», այնպես էլ Ռուսաստանի Դաշնության տարածքում գործող այլ հայկական կազմակերպությունների, ինչպես նաև Ռուսաստանի իշխանությունների հետ։ 


Դեսպանությունն ուշադրությամբ հետևում է նաև մամուլի հրապարակումներին և իր խորին մտահոգությունն է հայտնում հայ-ռուսական եղբայրական հարաբերությունները զրպարտելու մեջ շահագրգռված որոշ շրջանակների կողմից Հայաստանի անկախության մարտիկ Գ.Նժդեհի հիշատակը պղծելու փորձերի առնչությամբ։ 


«Անընդունելի ենք համարում այս թեմայի շուրջ շահարկումները և հորդորում ենք զերծ մնալ  սուտ և իրականությանը չհամապատասխանող տեղեկատվություն տարածելուց»,-նշվում է հայտարարությունում։ 


Նշենք, որ տեղեկատվություն էր տարածվել, որ հունվարի 28-ին ադրբեջանական լոբբիի ջանքերով Մոսկվայում խափանվել է Հայաստանի Հանրապետության զինված ուժերի 30-ամյակին նվիրված միջոցառումը, որում ներառված էր նաև Գարեգին Նժդեհի մասին ֆիլմը։ 

 

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7388) Միջազգային (3230) ԱՄՆ (2281) Ռուսաստան (2092) Իրան (1735) Ընտրություններ (1272) Ուկրաինա (821) Երևան (797) Իսրայել (759) Ադրբեջան (619) Փաշինյան (558) Եվրոպա (510) Ընդդիմություն (436) Թրամփ (428) Ազգային ժողով (407)

Radio Aurora

Լսել Radio Aurora

Գովազդային տարածք

300x250