Մոսկվայի հյուրանոցում վերելակի ընկնելու հետևանքով ՀՀ երկու քաղաքացի է մահացել
Մոսկվայի կենտրոնում գտնվող «Պրեզիդենտ հյուրանոցում» վերելակի ընկնելու հետևանքով ՀՀ երկու քաղաքացի է մահացել, հայտնում է РИА Новости-ն: Նշվում է, որ նրանք բանվորներ էին, ովքեր զբաղվում էին վերելակի վերանորոգմամբ, որը նախատեսված է հյուրանոցի անձնակազմի համար։ Կատարվում է հետաքննություն:
Դեպքի զոհ են դարձել 32-ամյա Հայկ Ղազարյանը և 31-ամյա Արտակ Բեզոյանը։ Ավելի վաղ հայտնի էր դարձել, որ Մոսկվայի Բոլշայա Յակիմանկայի «Պրեզիդենտ հյուրանոցում» վերելակն ընկել է յոթերորդ հարկից։ Հաղորդվում է, որ տուժածներից մեկը եղել է վերելակում, իսկ երկրորդը՝ խցիկի ու պատի արանքում։ Հայտնի է, որ հյուրանոցի շենքում վերանորոգումներ են իրականացվել։ |
