Ընդդիմությունը միայն հիմա՞ տեղեկացավ, որ զորախումբ ենք ուղարկել Ղազախստան․ արտահերթ նիստի առաջարկով են հանդես եկել

ԱԺ «Հայաստան» խմբակցությունը դիմել է ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանին և ԱԺ արտաքին հարցերի մշտական հանձնաժողովի նախագահ Էդուարդ Աղաջանյանին՝ առաջարկելով հրավիրել հանձնաժողովի համատեղ նիստ ՝ ՀԱՊԿ շրջանակներում ՀՀ զինված ուժերի ստորաբաժանումներ Ղազախստանի Հանրապետություն ուղարկելու առնչությամբ։ Հատկանշական է, որ Ղազախստանը դեռևս մեկ շաբաթ առաջ է դիմել ՀԱՊԿ-ին և օգնություն է խնդրել դիմագրավելու ահաբեկիչներին, որից հետո Նիկոլ Փաշինյանը՝ որպես ՀԱՊԿ անվտանգության խորհուրդի նախագահ, հայտարարեց, որ Հայաստանից խաղաղապահ զորախումբ կուղարկվի Ղազախստան՝ ռազմավարական օբյեկտների պահպանության համար։ 100 զինծառայողն հայտարարությունից մեկ օր անց մեկնեց Ղազախստան։

Այս որոշումը զայրույթ առաջարկեց հանրության լայն շրջանակների մոտ։ Քաղաքական շատ ուժեր և փորձագետներ դեմ էին այս որոշմանը։ Պնդում էին, որ նույն ՀԱՊԿ-ը և Ղազախստանը 44-օրյա պատերազմում ոչ միայն չաջակցեցին Հայաստանին, այլև Ղազախստանի ղեկավարը շնորհավորեց Ադրբեջանի նախագահին՝ տարածքային ամբողջականության վերականգման և հաղթանակի համար։

Թերևս շատերը սպասում էին, որ հենց Փաշինյանի առաջին հայտարարության օրը պառլամենտական ընդդիմությունը գործողություններ կիրականացնի՝ կանխելու հայ խաղաղապահների մեկնումը Ղազախստան, սակայն ընդդիմադիրներից մի քանիսը միայն գրառումներ կատարեցին և երբ  հայ խաղախապահներն արդեն Ղազախստանում են՝ նոր որոշել են քայլեր ձեռնարկել։