Երեկ՝ դեկտեմբերի 26-ին, ավտովթար է տեղի ունեցել Գեղարքունիքի մարզում: Ժամը  11:00-ի սահմաններում Ձորագյուղ գյուղի 14-րդ փողոցում բախվել են Գեղարքունիքի մարզի բնակիչներ, 39-ամյա Վաղարշակ Ա.-ի վարած Hyundai մակնիշի և 34-ամյա Նարեկ Ս.-ի վարած ВАЗ 217130 մակնիշի ավտոմեքենաները: 

Ինչպես հայտնում է shamshyan.com-ը, վթարի հետևանքով Նարեկ Ս.-ն մարմնական վնասվածքներով տեղափոխվել է «Մարտունի» բժշկական կենտրոն: Դեպքի վայր են ժամանել ճանապարհային ոստիկանության  2-րդ սպայական գումարտակի 4-րդ վաշտի 1-ին դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Վաչագան Ոսկանյանի գլխավորությամբ: Տեղում հետաքննական աշխատանքները ղեկավարել է նույն վաշտի ավագ հետաքննիչ  Ներսիկ Գրիգորյանը, ում կողմից փաստի առթիվ նյութեր են նախապատրաստվում: