Պայթյուն է որոտացել բազմաբնակարան շենքում․ Թբիլիսի
Պայթյուն է որոտացել Թբիլիսիի Վազիսուբանի բնակավայրի բազմաբնակարան, 9-հարկանի շենքում, որին հաջորդել է հրդեհը։ Տեղի փրկարարական ծառայության փոխանցած տեղեկությունների համաձայն, շենքի առաջին հարկի բնակարաններից մեկում տեղի է ունեցել գազի արտահոսք, որն էլ պատճառ է դարձել արտակարգ պատահարի։ Բարեբախտաբար զոհեր չկան։ Հինգ մարդ տուժել է։ Հրդեհը հնարավոր է եղել արագ կերպով հանգցնել։ Շենքի բնակիչներին տարհանել են հյուրանոցներ։
