Դիտահորերի կափարիչներ են գողացել․ ոստիկանները բացահայտել են

Դեկտեմբերի 17-ին ոստիկանության Մարտունու բաժնում ահազանգ էր ստացվել, որ Գետափնյա փողոցից գողացել են դիտահորի կափարիչներ: Այս մասին հայտնում են ՀՀ Ոստիկանությունից:

Դեպքի վայր մեկնած օպերատիվ խմբի ծառայողները պարզել են, որ դեկտեմբերի 16-ի ժամը 19.30-ից դեկտեմբերի 17-ի ժամը 08.00-ն ընկած ժամանակահատվածում Մարտունի համայնքի Գետափնյա 1-ին փողոցից գողացել են դիտահորի 7 կափարիչ: Մարտունու քրեական հետախույզները, իրացնելով օպերատիվ տվյալները, դեկտեմբերի 17-ին բաժին բերման ենթարկվեցին 17-ամյա երկու անչափահասի՝ «Օպել» ավտոմեքենայով։ Նրանք խոստովանական բացատրություն են տվել, որ դեկտեմբերի 16-ին Գետափնյա 1-ին փողոցից գողացել են կոյուղագծերի հորերի 9 կափարիչ: