Երկրաշարժ՝ Տավուշում․ ԱԻՆ-ից հաստատում են

Քիչ առաջ երկրաշարժ է տեղի ունեցել Տավուշի մարզում։ Այդ մասին MediaHub.am-ին հայտնել են մարզաբնակները։ Նրանց խոսքով՝ ցնցումը մոտ 3-4 բալ ուժգնությամբ է եղել։ Երկրաշարժին հաջորդել է մի քանի հետցնցում, որը ավելի թույլ է զգացվել։ ԱԻՆ-ից հաստատեցին մեր տեղեկատվությունը՝ նշելով, որ երեք բալ ուժգնությամբ երկրաշարժ է գրանցվել։

Ավելի ուշ ՀՀ ԱԻՆ-ը հաղորդագրություն է տարածել՝

Երկրաշարժը գրանցվել է տեղական ժամանակով ժամը 19:31-ին ( Գրինվիչի ժամանակով դեկտեմբերի 14-ին ժամը` 15:31-ին ) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.51⁰ և արևելյան երկայնության 45.29⁰ աշխարհագրական կոորդինատներով Հայաստան ` Շորժա գյուղից 2 կմ հյուսիս-արևելք, օջախի 10 կմ խորությամբ, 3.4 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 4-5 բալ:

Երկրաշարժը զգացվել է` Շորժա, Արտանիշ, Դրախտիկ գյուղերում, Տավուշի մարզի Հաղարծին և Գանձաքար գյուղերում` 3-4 բալ, Իջևան, Ճամբարակ, Հրազդան ր Գավառ քաղաքներում 3 բալ, Սևան, և Աբովյան քաղաքներում 2-3 բալ ուժգնությամբ: