Ողբերգական դեպք. 07-ը բախվել է 2 Nissan-ների. վարորդը տեղում մահացել է, կա վիրավոր

 Այսօր՝ դեկտեմբերի 15-ին, ողբերգական ավտովթար է տեղի ունեցել Արմավիրի մարզում: Ժամը 14:50-ի սահմաններում  ВАЗ 2107  մակնիշի ավտոմեքենան Երևան-Արմավիր ավտոճանապարհի 12-րդ կմ հատվածում ՝ Փարաքար գյուղի  վարչական տարածքում, բախվել է կայանված Nissan X-Trail մակնիշի ավտոմեքենային, ապա առաջ ընթացել և բախվել Nissan Elgrand մակնիշի ավտոմեքենային: Ինչպես դեպքի վայրից հայտնում է  shamshyan.com-ը, վթարի հետևանքով  07-ի վարորդը տեղում մահացել է, իսկ նրա  անչափահաս ուղևորը «Վաղարշապատ» բժշկական կենտրոն է տեղափոխվել: Հրշեջ-փրկարարները ավտոմեքենայից  դուրս են բերել դին և մոտեցրել օպերատիվորեն ժամանած «Վաղարշապատ» բժշկական կենտրոնի դի տեղափոխող ավտոմեքենային: 

Ոստիկանությունն ու քննչական բաժինը պարզում են վարորդների, այդ թվում՝ մահացածի, և վիրավորի ինքնությունը: