Կենտուկիում փոթորիկը ավելի քան 100 մարդու կյանք է խլել
Կենտուկիի նահանգապետ Էնդի Բեշիրը CBS հեռուստաալիքի եթերում խոսել է ԱՄՆ պատմության մեջ ամենավտանգավոր փոթորկի հետևանքների մասին, գրում է Gazeta.ru-ն:
«Սա աղետ է, որը մեզանից ոչ ոք երբևէ չէր տեսել: Որքան գիտեմ, մենք կորցրել ենք ավելի քան 80 մարդ, բայց զոհերի թիվը կգերազանցի հարյուրը»,- ասել է նահանգապետը։
Բեշիրի խոսքով՝ աղետի հետևանքով ամբողջությամբ ավերվել են քաղաքներ. « Իմ հոր հայրենի քաղաքը կիսով չափ ավերվել է։ Ինձ համար դժվար է դա նկարագրել»:
Հաղորդվել է, որ Մեյֆիլդ քաղաքում փլուզվել է մոմերի գործարանի տանիքը, որտեղ ավելի քան 100 մարդ է եղել։ Նահանգապետը նշել է, որ փրկարարները մի քանի օր փլատակներում ողջ մնացածներ չեն գտել:
