Ադրբեջանը միայնակ չի մնա Հայաստանի նոր սադրանքների դեպքում․ Չավուշօղլու
Թուրքիայի արտաքին գործերի նախարար Մևլութ Չավուշօղլուն Բահրեյնի արտգործնախարարի Աբդուլլաթիֆ բին Ռաշիդ ալ-Զայան հետ հանդիպումից հետո մասնակցել է համատեղ մամուլի ասուլիսի։ Այդ ընթացքում Չավուշօղլուն պատասխանել է ադրբեջանցի լրագրողի՝ «Հայաստան-Ադրբեջան սահմանային լարվածության» մասին հարցին: Այս մասին գրել է Ermenihaber.am-ը։
Թուրքիայի արտգործնախարարը փորձել է Անկարային ու Բաքվին ներկայացնել որպես տարածաշրջանային խաղաղության ու կայունության կողմնակիցներ։ Թուրքերին ու ադրբեջանցիներին հագցնելով խաղաղասիրության կեղծ պատմուճան՝ Չավուշօղլուն Հայաստանին մեղադրել է Արդբեջանի սահմանների նկատմամբ սադրանքների դիմելու մեջ:
Հայկական կողմի պաշտպանական գործողությունները սադրանք որակած Չավուշօղլուն այնուհետև սպառնացել է, որ եթե Հայաստանը շարունակի նույն կերպ, ապա նորից կորուստներ կունենա։
Ըստ Չավուշօղլուի պնդումների՝ Թուրքիան և Ադրբեջանը տարածաշրջանում հարաբերությունների կարգավորման դիրքերից են հանդես գալիս, իսկ Հայաստանը իբր հակառակ դիրքորոշումն է որդեգրել:
Նա վերահաստատել է Թուրքիայի աջակցությունն Ադրբեջանին՝ շեշտելով, որ ինչպես «ադրբեջանցի եղբայրները»երբեք թուրքերին միայնակ չեն թողել, այնպես էլ Թուրքիան Ադրբեջանին երբեք միայնակ չի թողնի:
Նմանատիպ հոդվածներ
ՀՐԱՏԱՊ․ Հակառակորդը կիրառում է հրետանային միջոցներ, զրահատեխնիկա․ լարված իրավիճակ սահմանին
«Դուց» զորամասի զինծառայողները հարազատներին ասել են, թե արդեն նոյեմբերի 15-ին շրջափակման մեջ էին․ Azatutyun
Այս պահին մորգում եմ, դիակը խոշտանգված չէ, գերի էլ չի ընկել. Տարոնի եղբայրը մանրամասնում է
Նիկոլ Փաշինյանն երեկ սարսափելի մի բացահայտում արեց, որին սակայն հանրությունը կարծես ուշադրություն չդարձրեց․ քաղաքագետ
Ավելին Հասարակություն բաժնից
Լուրերը մեկ տողով. Ռազմական հարվածներ և դիվանագիտական ճգնաժամ․ լարվածությունը հասնում է գագաթնակետի
Լուրերը մեկ տողով. Մարդկային ողբերգությունից մինչև ռազմական էսկալացիա. լարված աշխարհը նոր փուլում
Խորթ մոր կողմից ծեծի ենթարկված և ծայրահեղ ծանր վիճակում գտնվող երեխան մահացել է
