Ադրբեջանի մարդկային և տեխնիկական կորուստները` հայկական կողմի ոչնչացված տեխնիկայի հիման վրա. infoteka24

Այսօր Ադրբեջանի պաշտպանության նախարարությունը հաստատել է Հայաստանի վրա հարձակման ժամանակ իր 7 զինծառայողի մահվան փաստը։ Նկատի ունենալով երեկվա ագրեսիայի մասշտաբները, այդ ցուցանիշը, կարծես, չափազանց աղավաղված է, հատկապես հարձակվող կողմի համար։

infoteka24-ը փորձել է  մոտավոր հաշվել հակառակորդի կորուստները: Այսպես, Հայաստանի ՊՆ պաշտոնական տվյալներով՝ ոչնչացվել է 4 զրահափոխադրիչ (ԶՓ)՝ 10 հոգանոց անձնակազմով՝ ընդհանուր 40 հոգի, «Ուրալ»-ը՝ մոտ 20 հոգի, «Կամազ»-ը՝ մոտ 20 հոգի, «ՈւԱԶ»-ը՝ 5 հոգի։ Միայն 85 մարդ տեխնիկայի անձնակազմն է՝ չհաշված հետեւակի զոհված անդամներին։

Լրատվականը նշում է, որ իրենք չեն պնդում, որ ամբողջ տեխնիկան լեփ-լեցուն էր անձնակազմով, բայց միանշանակ դատարկ էլ չեն եղել։

Կասկածից վեր է, որ մոտ ապագայում ադրբեջանական սոցցանցերում տեղեկություններ կլինեն իրենց բանակում տեղի ունեցած ինքնասպանությունների, դժբախտ պատահարներով։