Ո՞վ կփոխարինի Պապիկյանին. լրատվականներում արդեն անուն է շրջանառվում
Irakanum.am-ի ունեցած հավաստի տեղեկություններով ՀՀ փոխվարչապետ կնշանակվի Շրջակա միջավայրի նախարար Ռոմանոս Պետրոսյանը։ Լրատվականին հայտնի է դարձել, որ Նիկոլ Փաշինյանը հակված է նրան նշանակելու այդ պաշտոնին։
Առայժմ, սակայն նման առաջարկությամբ Նիկոլ Փաշինյանը չի դիմել նախագահ Արմեն Սարգսյանին։ Նախագահականից լրատվականին հայտնել են, որ փոխվարչապետ նշանակելու առաջարկություն իրենք Նիկոլ Փաշինյանից դեռ չեն ստացել։
Հիշեցնենք, որ փոխվարչապետ Սուրեն Պապիկյանը ազատվեց պաշտոնից, նշանակվելով Պաշտպանության նախարար։
Auroranews-ը իր հերթին տեղեկությունը փորձում է ճշտել ՀՀ կառավարությունից, սակայն առայժմ չի հաջողվել:
