Արցախում ռուս ուղղափառ եկեղեցի է բացվել

Ստեփանակերտի մոտակայքում գտնվող զինավանում տեղի է ունեցել ռուս ուղղափառ եկեղեցու բացման արարողությունը, հայտնում է «Ինտերֆաքսը»։ 

Հանդիսավոր արարողությանը մասնակցել են Հարավային ռազմական օկրուգի հրամանատարի տեղակալ Ռուստամ Մուրադովը և Արցախում ռուսական խաղաղապահ զորախմբի հրամանատար Գենադի Անաշկինը։ 

«Ղարաբաղում ռուսական եկեղեցիները, ցավոք սրտի, չեն պահպանվել։ Բոլորը ոչնչացվել են բոլշևիկների կողմից՝ սովետական տարիներին։ Այս առումով ի պատիվ Քրիստոսի Ծննդյան ռուսական ուղղափառ եկեղեցու կառուցումը սրբազան, պատմական նշանակություն է ստանում»,- հանդիսավոր արարողությանը նշել է Ստեփանակերտի ռուսական համայնքի ներկայացուցիչ Ալեքսանդր Բոդրովը։