Շատ կարևոր է, որ սահմանները հստակեցվեն և փոխադարձ ճանաչվեն. Էրդողան՝ ՀՀ-ի և Ադրբեջանի հարաբերությունների մասին

Եթե Հայաստանը Ադրբեջանի հետ հարաբերությունները կարգավորելու կամք դրսևորի, ապա  Թուրքիայի և Հայաստանի միջև հարաբերությունների կարգավորման հարցում այլևս որևէ խոչընդոտ չի լինի: Այս մասին հայտարարել է Թուրքիայի նախագահ Ռեջեբ Թայիփ Էրդողանը:

Ինչպես հայտնում է «Անադոլու» գործակալությունը, Թուրքիայի ղեկավարը այս մասին խոսել է Ադրբեջանի նախագահ Իլհամ Ալիևի հետ մամուլի ասուլիսի ժամանակ: Նա հավելել է նաև, որ իրենք շարունակելու են աջակցել «եղբայրական Ադրբեջանին»:
 

«Շատ կարևոր է, որ սահմանները հստակեցվեն և փոխադարձ ճանաչվեն: Այս ըմբռնումն է ընկած բարիդրացիական հարաբերությունների հիմքում»,- ասել է Էրդողանը: