Սաակաշվիլին խոսել է իր «մեծ սիրո» պատմության մասին. նրա սիրելին պատգամավոր է
Վրաստանի նախկին նախագահ Միխեիլ Սաակաշվիլին խոստովանել է, որ սիրահարված է Գերագույն ռադայի պատգամավոր Ելիզավետա Յասկոյին:
Ավելի վաղ 30-ամյա պատգամավորը հրապարակել էր մինչ Սաակաշվիլիի Վրաստան ժամանումն արված ձայնագրության տեսանյութը, որում նրանք խոսում էին իրենց հարաբերությունների մասին: Յասկոն բացատրել է, որ զույգը որոշել է համատեղ տեսահոլովակ նկարահանել, որպեսզի հետագայում կարողանան պաշտպանել քաղաքական գործչի շահերը:
«Իմ բոլոր նախկին հարաբերություններն ավարտվեցին: Ես և Լիզան վաղուց ենք իրար հետ մեր կյանքը կապել և երկար ամիսներ միասին ապրում էինք որպես լիարժեք զույգեր: Սա մեծ սիրո պատմություն է, և ես ինձ երջանիկ մարդ եմ զգում»,- գրել է Սաակաշվիլին Ֆեյսբուքում։
Նա նաև կոչ է արել բոլորին հարգել իր օրինական կնոջը՝ Սանդրա Ռուլովսին, ասելով, որ երախտապարտ է նրան համատեղ անհավանական կյանքի համար:
