Մարգարիտա Առաքելյանը հռչակվեց ծանրամարտի Եվրոպայի չեմպիոն
Ֆինլանդիայի Ռովանիեմի քաղաքում ընթացող ծանրամարտի Եվրոպայի Մ-20 տարեկանների առաջնության աղջիկների 87 կգ քաշային կարգում հաղթանակ է տարել մեր մարզուհի Մարգարիտա Առաքելյանը:
Նա երկամարտում ցույց է տվել 202 կգ (86+116) արդյունք և մեկ կիլոգրամով առաջ է անցել Հունգարիայի և Լեհաստանի ներկայացուցիչներից:
Մարգարիտա Առաքելյանն արդեն 7-րդ ոսկե մեդալն է նվաճում Հայաստանի համար այս առաջնությունում:
Այսօր հանդես կգան նաև 96 կգ քաշայիններ՝ Գարիկ Կարապետյանը և Արա Աղանյանը (Մ-23):
