Հայաստանի երիտասարդական հավաքականը խոշոր հաշվով պարտվեց Սերբիային

Հայաստանի ֆուտբոլի երիտասարդական հավաքականը Եվրոպայի 2023 թվականի առաջնության ընտրական փուլի չորրորդ տուրում Երևանում պարտվեց Սերբիայի թիմին: Խաղն ավարտվեց 4։1 հաշվով։

Հայ ֆուտբոլիստներն առաջինը բացեցին հաշիվը. 36-րդ րոպեին սերբերի դարպասը գրավեց Միքայել Միրզոյանը:

Երկրորդ խաղակեսում սերբ ֆուտբոլիստները 4 անգամ գրավեցին Ռաֆայել Նազարյանի սաների դարպասը:

33-րդ րոպեին Ժիրայր Շաղոյանը հեռահար հարվածով գնդակը ուղարկեց Սերբիայի հավաքականի դարպաս, սակայն մրցավարը չհաշվեց գոլը: Նույն Շաղոյանի փոխանցումից երեք րոպե անց Միրզոյանը բացեց հաշիվը։

Հայաստանի երիտասարդական հավաքականը խմբում նախավերջին տեղում է՝ իր ակտիվում ունենալով 3 միավոր: