Գուտերեշն ու Միրզոյանը քննարկել են Ադրբեջանի հետ սահմանին տիրող իրավիճակը
ՄԱԿ-ի գլխավոր քարտուղար Անտոնիու Գուտերեշը և ՀՀ արտգործնախարար Արարատ Միրզոյանը շաբաթ օրը քննարկել են հայ-ադրբեջանական սահմանին տիրող իրավիճակը։ Այս մասին ասված է Գուտերեշի գրասենյակի տարածած հաղորդագրության մեջ։
«Գլխավոր քարտուղարն ու արտգործնախարարը քննարկել են Հայաստանի և Ադրբեջանի համագործակցությունը։ Նրանք նաև քննարկել են հայ-ադրբեջանական սահմանի երկայնքով տիրող իրավիճակը և տարածաշրջանային համագործակցության և կայուն խաղաղության առաջմղման ջանքերը», – նշվում է հաղորդագրության մեջ:
ՄԱԿ-ի գլխավոր քարտուղարը նշել է ՄԱԿ-ի աջակցությունը շարունակվող երկխոսությանը և խաղաղարար ջանքերին, ինչպես նաև տարածաշրջանում ՄԱԿ-ի կազմակերպությունների աշխատանքին։
«Գուտերեշը նույնպես ընդգծել է մշակութային ժառանգության օբյեկտների պաշտպանության կարևորությունը», – հավելել են գլխավոր քարտուղարի գրասենյակում:
