Որևէ պատգամավոր դեռևս չի հրաժարվել պարգևավճարից․ ԱԺ նախագահի մամուլի խոսնակ
ԱԺ նախագահ Ալեն Սիմոնյանի կարգադրությամբ՝ ՀՀ անկախության 30-ամյակի առթիվ Ազգային ժողովի պատգամավորները, Ազգային ժողովի աշխատակազմի պետական ծառայողները և աշխատողները խրախուսվել են միանվագ դրամական պարգևատրմամբ։ Գրում է MediaHub.am-ը։
Վաղ առավոտից պատգամավորները տեղեկացնում են, որ իրենց հաշվեհամարներին փոխանցվել է 381 420 դրամ։ Միևնույն ժամանակ, պարգևավճարներից հրաժարվելու կամ այդ գումարնը որևէ ծրագրի ուղղելու վերաբերյալ իշխանական խմբակցությունը բառ անգամ չի ասել։
Խորհրդարանից լրատվականի հետ զրույցում ասացին, որ ԱԺ նախագահի որոշմամաբ է պարգևավճար տրամադրվում խորհրդարանի աշխատակազմին։
ԱԺ նախագահ Ալեն Սիմոնյանի մամուլի խոսնակ Ծովինար Խաչատրյանը տեղեկացրեց, որ որևէ պատգամավոր դեռևս դիմում չի ներկայացրել հաշվապահություն և չի հրաժարվել պարգևավճարից։
«Բացի այդ, պետք է նշեմ, որ ՀՀ անկախության տոնի առթիվ գումար է փոխանցվել նաև «100 տուն Արցախին» ծրագրին»,- նշեց Խաչատրյանը։
