ՏԵՍԱՆՅՈՒԹ․ Տարեք մեր հողերի վրա նորից մեր համար ապրենք․ քաշաթաղցի տեղահանվածների բողոքի ակցիան

Արծրուն Հովհաննիսյանն ասում էր հաղթելու ենք, հաղթելու ենք։ Հիմա պարտվել ենք, Արծրուն Հովհաննիսյան արի մեզ պատասխան տուր, որ չենք հաղթել։ Լրագրողների հետ զրույցի ժամանակ ասաց Կառավարության դիմաց բողոքի ակցիա իրականացնող Քաշաթաղի բնակիչներից մեկը։ 

«Այսօր 68 հազար դրամ գումար են տալիս, չգիտես դրանով գդալ առնես, ափսե առնես, աթոռ առնես, վարձը տաս։ Ի՞նչ առնես դրանով, որ ապրես։ Հունվարից մինչև հիմա հյուրընկալության գումարը չի լինում։ Մենք գնացել ենք Քաշաթաղ, 10 տարի իմ երեխաները մանկություն չեն տեսել, չարչարվել ենք, բնակարանը մենք ենք կառուցել։ Մեզ թող ասեին, որ պատերազմ է լինելու, չենք հաղթելու, ոչ մի բան մի արեք։ 

Մեր գումարը կհավաքեինք, այսօր այստեղ տուն կգնեինք»,-նշեց Քաշաթաղից տեղահանված բնակչուհին։ 

Քաշաթաղից տեղահանվածները նշում են, որ եկել են Հայաստան և չգիտեն՝ ինչ անեն։ 

«Մեզ փոխհատուցումն էլ պետք չէ։ Տարեք մեր հողերի վրա նորից մեր համար ապրենք։ Ի՞նչ կա էստեղ։ Իրար գլխի են հավաքել»,-ասաց քաշաթաղցին։