«Նախագահը չի պատրաստվում ներկա գտնվել Օլիմպիական խաղերին: Իհարկե, նա կքաջալերի մեր մարզիկներին: Միացյալ Նահանգներից պատվիրակություն կունենանք, ինչպես միշտ եղել է»,- հայտնել է Սպիտակ տան մամուլի քարտուղար Ջեն Պսակին:

2020 թ-ին Տոկիոյի Օլիմպիական խաղերը համաճարակի պատճառով չեղյալ էին հայտարարվել: Այս տարի խաղերը կանցկացվեն հուլիսի 23-ից օգոստոսի 8-ը:

Մարտին 20-ին Օլիմպիական խաղերի կազմկոմիտեն, ելնելով համաճարակաբանական իրավիճակից, որոշում էր կայացրել արգելել օտարերկրյա երկրպագուների ներկայությունը խաղերին: Մեկ այլ որոշմամբ խաղերը դիտելու իրավունք է տրվել տեղի բնակչությանը՝ 10 հազարից ոչ ավելիին։