Նման բան տեղի է ունենում երկրորդ համաշխարհային պատերազմից հետո առաջին անգամ. CNN
Երկրորդ աշխարհամարտից հետո առաջին անգամ ամերիկյան ռազմական օդանավերը օդ են բարձրացել ոչ իրենց ավիակիրի վրայից: Այս մասին հայտնում է CNN-ը:
Խոսքը մասնավորապես վերաբերում է F-35B կործանիչներին, որոնք օդ են բարձրացել բրիտանական Queen Elizabeth ավիակիրի վրայից: Դրանք հարվածներ են հասցրել Մերձավոր Արևելքում տեղակայված ԻՊ ահաբեկիչներին:
Թե կոնկրետ որտեղ է դա տեղի ունեցել, չի հայտնվում, բայց հայտնվում է, որ օպերացիային մասնակցել են նաև բրիտանական ինքնաթիռներ:
Queen Elizabeth ավիակիրի վրա ընդհանուր առմամբ կա 18 ամերիկյան ու բրիտանական կործանիչ:
CNN-ը գրում է, որ ամերիկյան ռազմական ինքնաթիռները վերջին անգամ ոչ իրենց ավիակիրի վրայից օդ են բարձրացել հեռավոր 1943 թվականին:
