Ծառուկյանը պատասխանեց Նիկոլ Փաշինյանին. Էդ գումարները բանկիրները չեն փակելու, իշխանությունն է փակելու

Ես այստեղ եմ ձեզ ասելու այսօրվա վիճակը, երկրի վիճակը, տնտեսության վիճակը, մեր ժողովրդի վիճակը, կարգավիճակը: Այս մասին, այսօր՝ հունիսի 15-ին, Գյուրիում քարոզարշավի ժամանակ իր ելույթում նշեց ԲՀԿ առաջնորդ Գագիկ Ծառուկյանը: 

«Մենք ուզում ենք ունենալ անվտանգ հայրենիք, հզոր պետություն: Մինչեւ չկարողանանք ժողովրդին ապահովել աշխատանքով, չկարողանանք մեր ժողովրդի վարկերը, տույժերը փակել, անհնար է, որ մենք ուզենանք հզոր պետություն: Հզոր պետություն լինում է այն ժամանակ, երբ ժողովուրդը բարեկեցիկ կյանքով ապրում է, ոչ թե ամեն ընտանիք ճարահատյալ մի քանի վար է կերցնում, որ տունը պահի: 

Ցանկացած ընտանիք 2-3 վարկ ունի, եւ մեկը վերցնում է, որ մյուսը փակի, որ փողոցում չհայտնվի: Տույժ տուգանքներն այնքան են շատացել, որ մարդը հույս չունի փակելու: Մյուս կողմից աշխատանք չկա: Դրա համար անձամբ ես հաշվարկել եմ, որ մինչեւ 3 մլն դրամի վարկերը ներվեն: Խոսքը 2 մլն բնակչի մասին է: Դա կազմում է մեկ մլրդ դոլար»,- ասաց նա: 

Ծառուկյանն անդրադարձավ վարչապետի պաշտոնակատար Նիկոլ Փաշինյանի արձագանքին, թե ի՞նչ կլինի բանկիրների վիճակը, եթե այդքան ծավալով վարկեր բանկիրները փակեն. «Ժողովուրդ ջան, բանկիրները չեն փակելու: Եթե բանկիրների վրա դնենք, բանկիրը կտրաքի, տնտեսությունն էլ կավիրվի: Եթե մենք գանք իշխանության, իշխանությունն է այդ գումարը փակելու անմիջապես: Գումար ենք բերելու: Մեկ մլրդ-ը տրամադրելու ենք ժողովրդի վարկերին, մնացածը ներդրում ենք անելու: