211 ավտոբուս Երևանում կլինի այս տարվա աշնանը. Հայկ Մարության
Մեր գործընկերներն ամբողջ թափով աշխատում են՝ ժամանակին մատակարարելու համար մեր պատվիրած 211 ավտոբուսները: Մեքենաշինական գործարանից ուղարկված լուսանկարներում հենց Երեւանի համար պատրաստվող ավտոբուսներն են: Ավտոբուսների բրենդինգը՝ սկսած արտաքին տեսքից, մինչև ուղեսրահի դետալները, արվում է մեր պատվիրած նյութերով, գույներով ու այլ չափորոշիչներով: Այս մասին ֆեյսբուքյան իր էջում տեղեկացնում է քաղաքապետ Հայկ Մարությանը: Հիշեցնեմ, որ ըստ պայմանագրի, ավտոբուսները Երևանում կլինեն այս տարվա աշնանը: Այնպես որ, մեր խոստացած ժամանակացույցով տրանսպորտի արմատական ռեֆորմը առաջ ենք տանում:
