ՏԵՍԱՆՅՈՒԹ. Առողջապահության նախարարը իր՝ հրաժարական տալու մասին

Որոշ աշխատակիցներ աշխատանքից ազատվել են, որոշները ստացել են խիստ նկատողություն, հարուցվել է քրեական գործ, քննությունը կընթանա, հանգամանքները կպարզվեն ու օրենքի շրջանակներում բոլոր անձինք կկրեն պատիժ: Լրագրողների հետ զրույցում հայտարարել է Առողջապահության նախարարի պաշտոնակատար Անահիտ Ավանեսյանը՝ խոսելով զոհված զինծառայողների մարմինների պահման պայմանների մասին: 
Հարցին՝ չի պատրաստվում արդյո՞ք հրաժարական տալ, Ավանեսյանը հիշեցրել է, որ ինքն արդեն ներողություն է խնդրել՝ հավելելով, որ մեկ մասնավոր անձի կատարած արարքը պետք է գնահատվի այդ արարքի շրջանակներում ու այդ անձի հետ կապված: 
Մյուս հարցերին նախարարի պաշտոնակատարը բովանդակային պատասխաններ չի տվել՝ միայն կրկնելով ընթացող քննության մասին: