Վստահ եմ` համատեղ ջանքերով հնարավորինս կամրապնդենք երկկողմ դաշնակցային հարաբերությունները. Պուտինը` Փաշինյանին
Վարչապետի պաշտոնակատար Նիկոլ Փաշինյանին ծննդյան օրվա առթիվ շնորհավորական ուղերձ է հղել ՌԴ նախագահ Վլադիմիր Պուտինը:
Ուղերձում նշված է.
«Հարգելի Նիկոլ Վովայի,
Ընդունեք ամենաջերմ շնորհավորանքները Ձեր ծննդյան օրվա առթիվ։
Ռուսաստանի և Հայաստանի միջև հարաբերությունները շատ հաջող են զարգանում: Վստահ եմ, որ համատեղ ջանքերով հետասյու ևս հնարավորինս կամրապնդենք երկկողմ դաշնակցային հարաբերությունները՝ ի նպաստ մեր բարեկամական ժողովուրդների, ի շահ Անդրկովկասյան տարածաշրջանում խաղաղության, անվտանգության և կայունության ամրապնդման։
Անկեղծորեն ցանկանում եմ Ձեզ քաջ առողջություն, երջանկություն, բարեկեցություն և հաջողություն»:
Հիշեցնենք նաև, որ ՌԴ վարչապետ Միխայիլ Միշուստինը ևս շնորհավորել էր Փաշինյանին:
