Սոնա Ղազարյանը դիմել է ընդդիմադիր հայացքներ ունեցող քաղաքացիներին

Սոնա Ղազարյանը հայտարարել է, որ 2025 թվականի բյուջեի կատարողականի քննարկումներին ընդդիմության չմասնակցելը ցույց է տալիս, որ նրանց միակ գործառույթը սեփական ապօրինի գույքի պաշտպանությունն է։

Դիմելով քաղաքացիներին, հատկապես ընդդիմադիր հայացքներ ունեցողներին՝ Սոնա Ղազարյանը հիշեցրել է կալոգացի օլիգարխի խոսքերն այն մասին, որ եթե իր նկատմամբ քրեական գործեր չլինեին, քաղաքականությամբ չէր զբաղվի, ինչն, ըստ պատգամավորի, լավ ամփոփում է խորհրդարանում վերջին երեք օրերին տեղի ունեցածը։ 

Նա նշել է, որ մինչ խորհրդարանում քննարկվում է 25 թվականի բյուջեի կատարողականը, ընդդիմությունը չի գալիս Ազգային ժողով քաղաքացիների շահերը ներկայացնելու համար։ Ըստ Ղազարյանի՝ ընդդիմությունը խորհրդարանում ունի ընդամենը մեկ գործառույթ՝ պաշտպանել սեփական, ապօրինի ծագում ունեցող գույքը, ինչն արել է վերջին 5 տարիների ընթացքում և շարունակելու է անել հետագայում։ 

Պատգամավորի ձևակերպմամբ՝ այս քննարկումներից ընդդիմադիրների բացակայությունն ի ցույց է դնում, որ նրանք «թքած ունեն» Հայաստանի Հանրապետության ու մեր ապագայի վրա, և հարց է ուղղել ընդդիմադիր հայացքներ ունեցող քաղաքացիներին, թե արդյոք նրանք գո՞հ են իրենց շահերը ներկայացնող այս խմբակների ներկայությունից։