«Այն, ինչ անում է Հովիկ Աղազարյանը, սրիկայություն է». Իվետա Տոնոյան

ԲՀԿ մամուլի խոսնակ Իվետա Տոնոյանը ֆեյսբուքյան իր էջում սրիկայություն է որակել Հովիկ Աղազարյանի գործողությունները և զգուշացրել, որ դատական հայցեր են ներկայացվելու բոլոր նրանց դեմ, ովքեր կփորձեն խաղալ կուսակցության բարի համբավի հետ:

Ինչպես նշել է մամուլի խոսնակը, այն օրերին, երբ «Բարգավաճ Հայաստան» կուսակցությունը բոլոր իրավական գործիքների կիրառմամբ պայքարում է իր դեմ իրականացվող հրեշավոր անարդարության դեմ՝ յուրաքանչյուր ընտրողի քվեն պաշտպանելու, վերահաշվարկներ իրականացնելու և անցած ընտրություններում ժողովրդի կամարտահայտության իրական պատկերը վերականգնելու համար, նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով։ Տոնոյանի ձևակերպմամբ՝ այդ պատվերի նպատակը նույնիսկ էական չէ։