ՀՐԱՏԱՊ․ Ադրբեջանի ՊՆ-ն ընդունել է, որ Արթուր Քաթանյանը մոլորվել է
Ադրբեջանի պաշտպանության նախարարությունը խոստովանել է, որ հայ զինվորը դիվերսանտ չի եղել, այլ պարզապես մոլորվել է: Արթուր Քաթանյանը կվերադարձվի հայկական կողմին:
«Լրացուցիչ հետաքննության արդյունքում պարզվել է, որ հայ-ադրբեջանական սահմանի Լաչինի շրջանի տարածքում հունիսի 8-ին բերման ենթարկված Հայաստանի զինված ուժերի զինծառայող Արթուր Քաթանյանը չի մտել Ադրբեջանի տարածք դիվերսիոն գործողությունների համար: Հաստատվել է, որ նա, կորցնելով ճանապարհը, հատել է Ադրբեջանի սահմանը:
Հաշվի առնելով վերոգրյալը՝ Ա.Քաթանյանը վերադարձվել է հայկական կողմին»,- մասնավորապես ասված է ադրբեջանական ՊՆ-ի տարածած հայտարարության մեջ։
Հավելենք նաև, որ ՀՀ ՊՆ-ն դեռ չի արձագանքել այս հայտարարությանը։ Ինչ վերաբերում է զինծառայողը վերադարձվել է, թե ոչ՝ դեռ հայտնի չէ։ Auroranews-ը կփորձի կապ հաստատել ՊՆ-ի հետ։
