Ալխաս Ղազարյանը մեղադրել է երկրի բոլոր նախկին ղեկավարներին

ՀՀ իշխող «Քաղաքացիական պայմանագիր» կուսակցության պատգամավոր Ալխաս Ղազարյանը երկրի բոլոր նախկին ղեկավարներին մեղադրել է Արցախը Ադրբեջանի կազմում ճանաչելու մեջ։ Ղազարյանն իր այս  տեսակետը հայտնել է լրագրողների հետ զրույցում։

Այն դիտարկմանը, թե գործող իշխանություններն են հանձնել Արցախը, Ղազարյանը վրդովված արձագանքել է, որ հրամանագիրը ստորագրել է իրենց նախագահը (նկատի ունի Շահրամանյանին, ով ադրբեջանական ագրեսիայի պահին կարճ ժամանակով ստանձնել էր պաշտոնը):

Ղազարյանն էլ ավելի առաջ է գնացել՝ պնդելով, թե նախկին բոլոր ղեկավարները չեն ճանաչել Արցախը և ընդհանրապես «Արցախը ճանաչել են Ադրբեջանի կազմում»։ Այս հայտարարությունից հետո պատգամավորն ընդհանրապես հրաժարվել է պատասխանել հարցերին։