Վահագն Ալեքսանյանը հայտնել է Արագածոտնի մարզի 12 ընտրատեղամասերում վերահաշավարկի արդյունքները

Արագածոտնի մարզի 12 ընտրատեղամասերում Եռագլխի նախաձեռնությամբ իրականացվել է վերահաշվարկ, ինչի արդյունքում 4 քվե ավելացել է «ՔՊ»-ին  և մեկական քվե՝ Ռեֆորմիստներին ու Հայաստանի Շնորհապետական կուսակցությանը։ Այս մասին գրել է ԱԺ պատգամավոր Վահագն Ալեքսանյանը:

«Եռագլխի քվեները չեն փոխվել»,- գրել է նա:

Հունիսի 7-ին Հայաստանում ԱԺ ընտրություններ անցկացվեցին, որոնց մասնակցեց 16 կուսակցություն և 2 դաշինք։ Նախնական հաշվարկների համաձայն` «Քաղաքացիական պայմանագիր» կուսակցությանը կողմ է քվեարկել ընտրողների 49,82%–ը, «Ուժեղ Հայաստան» դաշինքին` 23,28%–ը, «Հայաստան» դաշինքին` 9,93%–ը։ «Բարգավաճ Հայաստան» կուսակցությունը ստացել է քվեների 3,9%–ը, ինչը նրան թույլ չի տալիս մտնել ԱԺ, սակայն Կենտրոնական ընտրական հանձնաժողովի նախագահ Վահագն Հովակիմյանը հունիսի 8–ին հայտարարել է, որ վերահաշվարկից հետո իրավիճակը կարող է փոխվել։