Ռուսաստանի սուր հայտարարությունը` Փաշինյանի վերընտրվելու հետ կապված

Հայաստանի վարչապետ Փաշինյանի կուսակցության կողմից երկրում կայացած ընտրություններում սահմանադրական մեծամասնություն չստանալը նրան բարդ իրավիճակի մեջ է դրել ինչպես երկրի ներսում, այնպես էլ դրանից դուրս, կարծում է Ռուսաստանի Դաշնության Պետական դումայի տեղեկատվական քաղաքականության, տեղեկատվական տեխնոլոգիաների և կապի կոմիտեի նախագահի տեղակալ Օլեգ Մատվեյչևը։ Մինչ ընտրությունները Փաշինյանը խոստացել էր քվեարկությունից հետո նախաձեռնել երկրի նոր սահմանադրության ընդունումը։

«Փաշինյանը զրկվել է սահմանադրական մեծամասնությունից և հայտնվում է իր համար բարդ իրավիճակում»,- մամուլի ասուլիսի ժամանակ լրագրողներին ասել է Մատվեյչևը։

Առանց սահմանադրական մեծամասնության Փաշինյանը չի կարողանա պարտավորություններ ստանձնել Ադրբեջանի և Թուրքիայի առջև, միևնույն ժամանակ նրա համար դժվար կլինի պայմանավորվել Ռուսաստանի և հայկական ընդդիմության հետ, նշել է Մատվեյչևը։