10:00 Լուրերը մեկ տողով. Ընդդիմության ճակատագիրը կախված է 70 ձայնից, Զախարովան՝ ՀՀ ընտրությունների մասին

Անցած ժամվա լուրերը՝ հակիրճ և բովանդակային.

·  Ընտրություններից հետո ընդդիմադիր դաշտում պահպանվում է անորոշությունը․ քննարկվում են ԲՀԿ-ի հնարավոր մուտքը խորհրդարան, ինչպես նաև ընդդիմադիր ուժերի կողմից մանդատներ վերցնելու կամ չվերցնելու տարբերակները։ «Ուժեղ Հայաստան»-ում ևս կան տարբեր մոտեցումներ հետընտրական մարտավարության վերաբերյալ։ 

·  Վարդենիսի ընտրատեղամասերից մեկում անվավեր քվեաթերթիկի վրա քաղաքացին գրել էր «Ադոլֆ Հիտլեր»՝ արտահայտելով իր առանձնահատուկ ընտրությունը։ Դեպքը գրանցվել է քվեների հաշվարկի ընթացքում։ 

·  Ընտրակաշառքի գործով ավարտվել է «Ուժեղ Հայաստան» կուսակցության անդամ Արթուր Ավանեսյանի՝«Կանդազ»-ի, վերաբերյալ նախաքննությունը, և նյութերը փոխանցվել են դատարան։ Մեղադրյալը չի ընդունում առաջադրված մեղադրանքը։ 

·  Ներքին Ոսկեպարի հատվածում շարունակվում են սահմանային փշալարային արգելափակոցների կառուցման աշխատանքները։ Սահմանային ենթակառուցվածքների ձևավորումը դեռ ավարտված չէ։ ԱԱԾ պատասխանը: 

·  Ռուսաստանը շարունակում է քննադատել Հայաստանում անցկացված ընտրությունները՝ խոսելով ընդդիմության նկատմամբ ճնշումների և արտաքին միջամտության մասին։ Այդ գնահատականները հերթական անգամ հնչեցրել է ՌԴ ԱԳՆ-ն։ 

·  Ռոսսելխոզնադզորը վերահսկում է հայկական արտադրանքի ներմուծումը և շարունակում է սահմանափակումներ կիրառել մի շարք գյուղմթերքների նկատմամբ։ Ռուսական կողմը հայտարարում է, որ մշտադիտարկում է խախտումների մակարդակը։ 

·  ԱՄՆ-ն ու Իրանը շարունակում են բանակցությունները, իսկ Դոնալդ Թրամփը վստահեցնում է, որ գործընթացը վերահսկելի է։ Նա միաժամանակ կասկածի տակ է դրել նոր լայնամասշտաբ ռազմական գործողությունների նպատակահարմարությունը։