132 պատգամավորից ընդամենը 63-ն էին ներկա նիստին

Այսօր մեկնարկում է Ազգային ժողովի հերթական քառօրյան: Սա առաջին քառօրյան է խորհրդարանի ազատ արձակումից հետո:

Ինչպես երևում է, պատգամավորներն արդեն ազատ են արձակել իրենք իրենց, քանի որ նիստի մեկնարկը տապալվեց քվորում չլինելու պատճառով: Առաջին փորձից գրանցվեց 132 պատգամավորից ընդամենը 61, երկրորդ փորձից՝ 63-ը:

ԱԺ նախագահ Արարատ Միրզոյանը, վայր դնելով զենքերը, այլևս գրանցում չհայտարարեց՝ նշելով, որ պետք է սպասել այնքան, մինչև պատգամավորները հավաքվեն, որպեսզի նորից փորձեն: