Պեսկովը կրկին խոսել է Պուտին-Բայդեն հանդիպման կարևորության մասին

Ռուսաստանի և ԱՄՆ նախագահներ Վլադիմիր Պուտինի և Ջո Բայդենի միջև բանակցությունների անցկացման համար տեղի ընտրությունն ավելի շուտ տեխնիկական որոշում է, գլխավորը հանդիպման փաստն է: ՏԱՍՍ գործակալության փոխանցմամբ՝ այս մասին «Մոսկվա. Կրեմլ. Պուտին» հաղորդման շրջանակում հայտարարել է ՌԴ նախագահի խոսնակ Դմիտրի Պեսկովը:

Նրա խոսքով՝ առաջնորդների նման հանդիպումը կարևոր է, որպեսզի երկու երկրի հարաբերությունները դուրս բերվեն ներկայիս մռայլ իրավիճակից: Պեսկովը կարծիք է հայտնել, «քաղաքի ընտրությունը տեխնիկական որոշում է»:

«Կարևորը հանդիպման անցկացման փաստն է, քանի որ հենց դա է բավականին կարևոր մեր երկկողմ հարաբերությունների, ներկայիս մռայլ իրավիճակից դրանց դուրս բերման համար»,- ընդգծել  Կրեմլի ներկայացուցիչը:

Վերջինս հավելել է, որ հանդիպման հարցը քննարկվում է: «ԱԳ նախարար Սերգեյ Լավրովը մանրամասն զեկուցել է նախագահին ԱՄՆ պետքարտուղար Էնթոնի Բլինկենի հետ իր հանդիպման արդյունքները, և նախագահը որոշում կկայացնի: Երբ նա դա անի, մենք կտեղեկացնենք հանրությանը»,- նշել է Պեսկովը: