Մեծ Իշխանասարն է, որտեղից կարող է թշնամու դիտարկման տակ հայտնվել Սիսիան-Գորիս ճանապարհը և նաև նշած բնակավայրերը. Նաիրի Հոխիկյան
Միջէթնիկ հակամարտությունների փարձագետ Նաիրի Հոխիկյանը ֆեյսբուքյան իր էջում դեռ ժամեր առաջ տեղեկացրեց, որ արդեն երեք օր Սյունիքում ու Արցախում է: Գրառման մեջ նշել էր, որ առանց խուճապի, առանց ավելորդ հաղթական էյֆորիայի և առանց իրար վրա ինքնահաստատվելու պետք է պատրաստ լինել Սյունիքում կիրակնօրյա գործողությունների։
ՀՀ իշխանությունն էլ ի զորու չէ թաքցնել, հետևաբար չէր խանգարի լրացուցիչ զգոնությունը և սահմանափակ տեղեկատվությունը:
Հ.Գ. Հասկանում եմ, որ զինծառայողների ծնողները անհանգստանում են, բայց մենք գործ ունենք Ադրբեջան կոչվող թշնամու հետ։ Միայն մեր խաղաղասիրությունը քիչ է։
Եվ քիչ առաջ էլ, լուսանկար է հրապարակել ու գրել.
Դիմացի բարձունքը Մեծ Իշխանասարն է, որտեղից կարող է թշնամու դիտարկման տակ հայտնվել Սիսիան-Գորիս ճանապարհը և նաև նշած բնակավայրերը։
Հետևաբար ոչ մի կերպ չի կարելի թույլ տալ թշնամու դիրքավորումը Մեծ Իշխանասարի և Սև լճի հատվածում։
