Այս հանգստյան օրերին չինական անկառավարելի հրթիռ-կրիչի բեկորները կընկնեն Երկիր մոլորակի վրա
Այս հանգստյան օրերին Երկրի վրա կընկնի Changzheng 5-B չինական հրթիռ-կրիչի մի հատվածը, որի օգնությամբ ուղեծիր էր արձակվել չինական տիեզերակայանի առաջին մոդուլը, փոխանցում է BBC-ի ռուսական ծառայությունը:
18 տոննա կշռող օբյեկտի մուտքը մթնոլորտի խիտ շերտեր անվերահսկելի կլինի, եւ ԱՄՆ ռազմական փորձագետներն արդեն մտավախություններ են հայտնել, որ բեկորները կարող են ընկնել բնակելի տարածքների վրա: Պեկինն իր հերթին պնդում է, որ բեկորներից հնարավոր վնասների ռիսկը չափազանց փոքր է:
